საქართველოში Black Eyed Peas-ის კონცერტი გაიმართება. ჯგუფს საკონცერტო დარბაზი Black Sea Arena 16 ივნისს უმასპინძლებს.

"16 ივნისს, შეკვეთილში მდებარე საკონცერტო დარბაზი ბლექ სი არენა, Check in Georgia-ს ფარგლებში, 2019 წლის სეზონს ამერიკული მუსიკალური ბენდის, Black Eyed Peas-ის კონცერტით გახსნის. ყველა დროის ერთ-ერთი საუკეთესოდ გაყიდვადი ჯგუფი (მთლიანობაში გაყიდული 76 მილიონი ჩანაწერით) საქართველოს ბოლო ალბომის, Masters of the Sun Vol. 1 მხარდამჭერი ტურნეს ფარგლებში ეწვევა", — ნათქვამია განცხადებაში.

ბილეთების გაყიდვა დაიწყება დღეს, 30 აპრილს, საღამოს 20:00 საათზე საიტებზე TKT.ge და Eventer.ge.

Black Eyed Peas ამერიკული ჰიპ-ჰოპ ჯგუფია, რომელსაც მსოფლიოს მასშტაბით 30 მილიონამდე ალბომი და სინგლი აქვს გაყიდული.