თავდაპირველად გავრცელდა ინფორმაცია, რომ მანქანა ორ ბავშვს დაეჯახა და მძღოლი, სავარაუდოდ, ნერვიულობის ნიადაგზე გარდაიცვალა. მასალაში ცვლილებები მას შემდეგ აისახა, რაც ინფორმაცია შინაგან საქმეთა სამინისტროსთან კიდევ ერთხელ გადამოწმდა.

გუშინ, 28 აპრილს ჭიათურაში მანქანა 13 წლის ბიჭს დაეჯახა. შემთხვევის შედეგად ის ადგილზე გარდაიცვალა. შინაგან საქმეთა სამინისტროში On.ge-ს უთხრეს, რომ მანქანის მძღოლი მძიმე მდგომარეობაში საავადმყოფოშია მოთავსებული.

საქმეზე გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.