კეილა ბელი 17 წლის ამერიკელი ახალგაზრდაა, რომელიც კალიფორნიის შტატში ცხოვრობს და სულ ცოტა ხნის წინ გამოსაშვები საღამო ჰქონდა.

კეილას, როგორც მოსალოდნელი იყო, ასეთ მნიშვნელოვან დღეს ლამაზი კაბა და მაკიაჟი ამშვენებდა, თუმცა, ჩვენი ყურადღება უფრო იმიტომ მიიქცია, რომ გამოსაშვებ საღამოზე სხვა ბავშვებივით მეგობარ ბიჭთან ერთად სულაც არ გამოცხადებულა.

დიახ, კეილას შეყვარებული არ ჰყავს, თუმცა, ეს სულაც არ ნიშნავს, რომ ის მარტო დარჩა. აი რას წერდა გოგო თავის ტვიტერზე:

"ბაბუამ იცის, რომ შეყვარებული არ მყავს და ის ჩემს გვერდით არის"

67 წლის კაცისა და მისი უბედნიერესი შვილიშვილის ფოტოები სოციალურ მედიაში გამოჩენისთანავე პოპულარული გახდა — პოსტს 100 ათასზე მეტი მოწონება და გამოხმაურება აქვს.

ფოტო: Kaylah Milan
‏

კეილამ ისიც აღნიშნა, რომ დაუვიწყარი გამოსაშვები საღამო ჰქონდა და რომ ის ბედნიერია და ამაყობს თავისი ოჯახის თითოეული წევრით, განსაკუთრებით კი ბაბუათი.