ქართული ოცნების თავმჯდომარემ, ირაკლი სესიაშვილმა განაცხადა, რომ ფინჯან ყავაზე ორივე მხარეს ანუ შინაგან საქმეთა მინისტრ გიორგი გახარიასა და ევროპულ საქართველოს იწვევს. მისი თქმით, კარგია, რომ "ამ სიტუაციაში" იუმორის გრძნობას ინარჩუნებენ და თავადაც ჩაერთვება პროცესში.

ევროპული საქართველო პანკისის ხეობის მოვლენებთან დაკავშირებით შინაგან საქმეთა მინისტრის პარლამენტში მისვლას მოითხოვეს. გიორგი გახარია ამ განცხადებას გამოეხმაურა და თქვა, რომ მაისის პირველ კვირას აქვს დაგეგმილი პარლამენტში მოსმენა, თუ ევროპული საქართველოს ლიდერებს დამატებით სურდათ მისი ნახვა შეეძლოთ ყავაზე დაეპატიჟებინათ.

ევროპული საქართველოს დეპუტატი ელენე ხოშტარია შინაგან საქმეთა მინისტრს გიორგი გახარიას სთავაზობს "დაასახელოს ნებისმიერი დრო და ადგილი, სადაც ყველა კითხვას გასცემს პასუხს და ყავას საკუთარი ხელით მოუდუღებს". ხოშტარიას ერთადერთი პირობაა, რომ შინაგან საქმეთა მინისტრმა მისი ხელით მოდუღებული ყავა დალიოს.