შრი-ლანკაში, ეკლესიებსა და სასტუმროებში მომხდარი აფეთქებების შედეგად დაღუპულთა რიცხვი 290-მდე გაიზარდა. ამის შესახებ ინფორმაციას BBC ავრცელებს.

მათი ცნობით, შემთხვევის შედეგად ხუთასი ადამიანია დაშავებული. ადგილობრივი პოლიციის ინფორმაციით, 24 ადამიანია დაკავებული, თუმცა, ჯერჯერობით უცნობია, რომელმა სამხედრო ორგანიზაციამ ან დაჯგუფებამ განახორციელა თავდასხმა.

გუშინ, 21 აპრილს შრი-ლანკაში შვიდი აფეთქება მოხდა. ყველაზე დიდი მსხვერპლი იყო წმ. სებასტიანის ეკლესიაში, ნეგომბოში, სადაც სულ მცირე 67 ადამიანი დაიღუპა.