"ეს გზა, ჩვენ ყველანი შევთანხმდებით, რომ ტაძრამდე არ მიდის და სწორედ ამაზე შეშფოთებამ მოგვიყვანა ჩვენ ყველანი ამ დარბაზში", — განაცხადა თბილისის საკრებულოს ქართული ოცნების ყოფილმა დეპუტატმა, ვატო შაქარიშვილმა მოძრაობა დაიცავი საქართველოს შეხვედრაზე. მისი თქმით, ვერავინ გააქრობს იმ წვილს, რაც 7 წლის წინანდელმა ბრძოლამ მოიუტანა ქვეყანას, მაგრამ მართველი გუნდი არაადეკვატურად აღიქვამს დღევანდელ რეალობას და ქვეყანას პერსპექტივას ვერ სთავაზობს.

შაქარიშვილმა განაცხადა, რომ ქართული ოცნება მოსამართლეთა კლანის ოცნებების ასრულების ასპარეზად იქცა. მისი თქმით, ეს დაპირება არ მიუციათ მოსახლეობისთვის რამდენიმე თვის წინ საარჩევნო პერიოდში და ამიტომ საჭიროა სათავე დაუდონ ახალ პოლიტიკურ ასპარეზს.

მოძრაობა დაიცავი საქართველოს სათავე ქართული ოცნების ყოფილმა მხარდამჭერმა, დავით მაღრაძემ დაარსა. მაღრაძის განცხადებით, მოძრაობის მიზანია საზოგადოების დაცვა იმ პოლიტიკური ძალებისგან, რომლებიც მათზე არ ზრუნავენ.

შეხვედრას ესწრებიან სხვადასხვა პოლიტიკური ლიდერები. მათ შორის არიან ქართული ოცნებიდან წასული დამოუკიდებელი დეპუტატები ეკა ბესელია, გედევან ფოფხაძე, ლევან გოგიჩაიშვილი, ბექა ნაცვლიშვილი, ზვიად კვაჭანტირაძე, და შენების მოძრაობის ლიდერი დავით უსუფაშვილი.

შეხვედრას ესწრებიან შოუბიზნესის წარმომადგენლებიც, მათ შორის დათო ხუჯაძე და ძმები გაჩეჩილაძეები, რომლებიც ქართული ოცნების აქტიური მხარდამჭერები იყვნენ.