ნეტფლიქსის სამსახიობო გუნდი სულ უფრო და უფრო ივსება პოპულარული და ტიტულოვანი მსახიობების სახელებით. ამჯერად ამ სიას უმა თურმანი შეემატა, რომელიც არხის ახალ სერიალში Chambers მთავარ როლს ასრულებს.

ნეტფლიქსმა შოუს პირველი ტრეილერი ცოტა ხნის წინ გამოაქვეყნა:

ჰორორის ჟანრის სერიალის სიუჟეტი ქალის გარშემო ვითარდება, რომელსაც სხვა ადამიანის გულს გადაუნერგავენ.

ოპერაციის შემდეგ, გადარჩენილი ქალი უფრო და უფრო მეტად გრძნობს სიახლოვეს იმ ადამიანთან, ვისი გულიც ახლა მის სხეულში ძგერს. საიდუმლოებით მოცული მკვლელობები, ადამიანების გაუჩინარება, წამება და ბევრი საშიში ამბავი - ეს არასრული ჩამონათვალია იმისა, რაც 26 აპრილიდან ნეტფლიქსზე გელოდებათ.