ქართული ოცნების თავმჯდომარე ბიძინა ივანიშვილი აცხადებს, რომ თიბისი ბანკის საქმეზე მას კითხვები არ აქვს და მისთვის ყველაფერი გასაგებია, ივანიშვილი აცხადებს, რომ ხელისუფლებას მამუკა ხაზარაძე და ბადრი ჯაფარიძე უტევენ და არა თავად ხელისუფლება მათ.

"დღევანდელი გადმოსახედიდან, რაც ხდება თიბისი ბანკის მიმართ და მამუკა ხაზარაძის ირგვლივ, პირიქით მიმაჩნია, რომ ისინი უტევენ ხელისუფლებას, ვიდრე ხელისუფლება მათ. ზოგადად, რაც შეეხება განვითარებულ მოვლენებს: პროცესი დასრულებულია ეროვნული ბანკის პრეზიდენტმა ღირსეული ნაბიჯები გააკეთა მან ეს ყველაფერი დაამტკიცა პარლამენტში, დაამტკიცა საჯაროდაც, ლონდონშიც იყო საჩივრები იქაც შესატყვის გაკეთდა რეაქციები და ეს ორი პიროვნება გამოყვანილია სამეთვალყურეო საბჭოდან", — განაცხადა ბიძინა ივანიშვილმა.

მისი თქმით, "ბანკმა ჯარიმაც გადაიხადა და კითხვები აღარ არის, თუმცა არ ცხრებიან ოპონენტები".