თანამედროვე სამყაროში ერთი დღე არ ჩაივლის ისე ინტერნეტში, რომ ვინმემ კომპიუტერის მოტყუება არ სცადოს. ზოგი ხრიკი კი მართლა გონებამახვილურია და სახალისოა.

მაგალითად, ავსტრალიელმა მეგობრებმა იპოვეს გზა, რომლითაც მაკდონალდის თვით-მომსახურების მოწყობილობას ატყუებენ, საბოლოოდ კი, უფასოდ იღებენ 11 ბურგერს. მათ შორის - ერთს ხორციანს.

თავიდან ვიდეოს გმირებმა ერთდოლარიანი ჰამბურგერი აირჩიეს და 10 ცალი შეუკვეთეს. შემდეგ მათ ჰამბურგერის ინგრედიენტების შერჩევისას ხორცი ამოიღეს, რამაც თითოეული ბურგერის ღირებულებას $1.10 დააკლო (გაიხსენეთ, რომ ეს ბურგერი ისედაც $1 ღირდა).

ამის შემდეგ ბიჭებმა ჩვეულებრივი, $1-იანი ხორციანი ბურგერი დაამატეს შეკვეთაში.

როცა გადახდის ეტაპს მიუახლოვდნენ, ეკრანზე დაიწერა, რომ თითოეული უხორცო ბურგერი -$.10 ღირს. 10 ასეთი ბურგერი 1 დოლარია, გამოვაკლოთ ამას ერთდოლარიანი ჰამბურგერი და ვუალა! არაფრის გადახდა არაა საჭირო.

თუ არ გჯერათ, ნახეთ ვიდეო: