პირველად ისტორიაში, მარტში ნორვეგიაში მეტი ელექტრომობილი გაიყიდა, ვიდრე გაზზე და დიზელზე მომუშავე მანქანა. CNN-ის ინფორმაციით, გასულ თვეში გაყიდვების 58,4% ელექტრომობილებზე მოდის.

ნორვეგიის საგზაო მოძრაობის საინფორმაციო საბჭოს ცნობით, მარტში, 18 375 რეგისტრირებული მანქანიდან 10 732 ნულოვანი ემისიის მქონე მანქანაა. მათივე ცნობით, გაზზე და დიზელზე მომუშავე მანქანების გაყიდვა რეკორდულადაა შემცირებული.

ნორვეგიაში იმ ადამიანებისთვის, რომლებიც ელექტრომობილს შეისყიდიან, სხვადასხვა პრივილეგიები აქვს. მაგალითად, ასეთი მანქანის შეძენისას არ იხდიან დღგ-ს გადასახადს, ფასდაკლებებს იღებენ პარკირებაზე და სხვა გარკვეული გადასახადებისგან თავისუფლდებიან.

ნორვეგიის ელექტრომობილების ასოციაციის ვარაუდით, 2019 წელს ქვეყანაში გაყიდული მანქანების 50% ელექტრომობილი იქნება. ნორვეგიის მთავრობას მიზნად აქვს დასახული, რომ 2025 წლისთვის დიზელზე და გაზზე მომუშავე მანქანები გაყიდვიდან ამოიღოს.