პატრიოტთა ალიანსის წევრს, გიორგი ლომიას ჰგონია, რომ საქართველოში LGBT თემის წევრები პრივილეგირებულ მდგომარეობაში არიან. ჰომოფობიური შინაარსის განცხადებები დეპუტატმა დისკრიმინაციის შესახებ კანონში შესატანი ცვლილებების პროექტის განხილვის დროს გააჟღერა.

დეპუტატს ჰგონია, რომ დისკრიმინაციის ყველა ფორმის აღმოფხვრის შესახებ კანონი საზოგადოებას ორ ნაწილად ყოფს: ჰეტეროსექსუალებად და LGBT საზოგადოების წევრებად. მისი აზრით, ძალადობის შემთხვევაში მსხვერპლისსექსუალურ ორიენტაციას მნიშვნელობა არ აქვს.

"LGBT საზოგადოება დღეს პრივილეგირებულ მდგომარეობაშია და არ მესმის, რატომ. ყველა თანასწორია კანონის წინაშე, მიუხედავად მისი სქესის და რასის. რატომ ვაყენებთ ვიღაცას პრივილეგირებულ მდგომარეობაში", — ამბობდა დეპუტატი, რომელსაც სიტყვა პარლამენტის ვიცე-სპიკერმა თამარ ჩუგოშვილმა შეაწყვეტინა.

ჩუგოშვილმა დეპუტატს განუმარტა, რომ მისი გამოსვლა ისევე, როგორც კანონპროექტი, დისკრიმინაციულია.