ჭავჭაძის #5-ში დაღუპული მუშების სოლიდარობის აქციაზე დაკავებული ექვსივე პირი ხელწერილის საფუძველზე გაათავისუფლეს. ამის შესახებ On.ge-ს ინფორმაცია შინაგან საქმეთა სამინისტროში დაუდასტურეს.

უწყებიც ცნობით, სასამართლოს 6-ვე მათგანზე გადაეგზავნა დოკუმენტაცია სანქცირებასთან დაკავშირებით.

შსს-მ ექვსი პირი, მათ შორის ცოტნე ცხვედიანი, ვახუშტი მენაბდე და გიორგი სოფრომაძე, ადმინისტრაციულ სამართალდარღვევათა კოდექსის 166-ე და 173-ე მუხლებით იყვნენ დაკავებული. ექვსივე მათგანს სამართალდამცავები წვრილმან ხულიგნობასა და პოლიციელის კანონიერი მოთხოვნის დაუმორჩილებლობას ედავებიან.

თბილისში აქცია მას შემდეგ დაიგეგმა, რაც გუშინ 31 მარტს მშენებლობის დროს კიდევ ორი მუშა გარდაიცვალა. აქცია დაახლოებით ხუთი საათი გაგრძელდა.