შინაგან საქმეთა სამინისტროს ინფორმაციით, ქრთამის აღების ბრალდებით მარნეულის საკრებულოს თანამშრომელი, ნაციონალური მოძრაობის წევრი დააკავეს. უწყების განცხადებით, საკრებულოს თანამშრომელი მოქალაქეს 3 000 ლარის სანაცვლოდ სახელმწიფო სტრუქტურაში დასაქმებას დაჰპირდა. მათ თქმით, ბრალდებულმა თანხის ნაწილი 1 500 ლარი 7 მარტს აიღო, მეორე ნაწილი კი 20 მარტს.

გამოძიება საქართველოს სისხლის სამართლის კოდექსის 338-ე მუხლის 1-ლი ნაწილით მიმდინარეობს. მუხლი ქრთამის აღებას გულისხმობს და 6-დან 9 წლამდე ვადით თავისუფლების აღკვეთას ითვალისწინებს.