თბილისის მერიის განცხადებით, თბილისის სატრანსპორტო კომპანიამ და მერიის გამწვანების საქალაქო სამსახურმა მიიღო გადაწყვეტილება ვაკის პარკთან ხე-მცენარეების სხვლა-ფორმირებასთან დაკავშირებით. მერია 15 სექტემბერს, მის მიერ გავრცელებულ განცხადებაში წერს, რომ გაისხვლება მხოლოდ ის ტოტები, რომლებიც ხელს უშლის კუს ტბის საბაგიროს გონდოლის მუშაობას.

რამდენიმე დღეა საბაგირო სატესტო რეჟიმში ამუშავდა. მერია აცხადებს, რომ ტესტირებისას, საბაგირო გზაზე გონდოლების მოძრაობის შეფერხება გამოიწვია ხე-მცენარეებმა.

კუს ტბის საგაბიროს რეკონსტრუქციას ახორციელებს შპს ბაგირმშენი. აღნიშნული პროექტის ბიუჯეტი 1 100 000 ლარს შეადგენს.

ფოტო: თბილისის მერია

ფოტო: თბილისის მერია