აუდიტის სამსახურის ინფორმაციით, საქალაქო სასამართლომ მათი მოთხოვნა დააკმაყოფილა და პატრიოტთა ალიანსის შემომწირველი 183 200 ლარით დააჯარიმა.

როგორც On.ge-ს აუდიტის სამსახურის მონიტორინგის წარმომადგენელმა განუცხადა, პატრიოტთა ალიანსმა 91 600- ლარიანი შეწირულობა მიიღო. კანონის მიხედვით კი, პარტიის მიერ თითოეული მოქალაქისგან მიღებული შეწირულობების საერთო რაოდენობა არ უნდა აღემატებოდეს წელიწადში 60 000 ლარს. ასევე აკრძალულია მესამე პირის საშუალებით განხორციელებული შემოწირულობა.

"დაჯარიმება შეეხო არა თვითონ პოლიტიკურ პარტიას, არამედ მის შემომწირველს. დაჯარიმდა კონსტანტინე მორგოშია, რომელმაც უკანონოდ გაანაწილა საკუთარი თანხა სხვა პირებზე და მათი საშუალებით განახორციელა შემოწირულობა 91 600 ლარის ოდენობით. შესაბამისად შემოწირულობა ჩაითვალა უკანონოდ და ის დაჯარიმდა ორმაგი ოდენობით ანუ 183 200 ლარით."

როგორც On.ge-ს აუდიტის სამსახურში განუმარტეს, გასაჩივრების შემთხვევაში საჩივარი უნდა შევიდეს არა პოლიტიკური პარტიის არამედ ფიზიკური პირის მხრიდან.

"ვინაიდან კონსტანტინე მორგოშია პატრიოტთა ალიანსის წევრია, ის ასოცირდება პარტიასთან და აქედან გამომდინარე გავრცელდა ხმები იმის შესახებ, რომ პარტია გაასაჩივრებს ჯარიმას, მაგრამ საჩივარი მიიღება მხოლოდ ფიზიკური პირის მხრიდან"

კონსტანტინე მორგოშია, პატრიოტთა ალიანსის, მცხეთის მაჟორიტარი დეპუტატობის კანდიდატია.