ელმავალმშენებელი ქარხნის თანამშრომლები 6 თვის ხელფასის ანაზღაურების მოთხოვნით საპროტესტო აქციას მართავენ. მათ ქარხნის შესასვლელი მეორე დღეა პიკეტირებული აქვთ და მოთხოვნების დაუკმაყოფილებლობის შემთხვევაში, პროტესტის რადიკალურ ფორმას, შიმშილობას განიხილავენ.

"რამდენი თვის ხელფასი აქვთ ჩასარიცხი. დღეს-ხვალ გვეუბნებიან და აღარ დაილია ეს. მრცხვენია უკვე სიმართლეს ვერ ვეუბნები ხალხს", — აცხადებს ქარხნის თანამშრომელი პირველ არხთან საუბრისას.

ელმავალმშენებლში დასაქმებულებმა საპროტესტო აქცია ხელფასების დაბრუნების მოთხოვნით ჯერ კიდევ 5 მარტს გამართეს. მაშინ გაერთიანებული პროფკავშირების ხელმძღვანელმა, ირაკლი პეტრიაშვილმა თქვა, რომ კომპანიას მიმართა და 14-17 მარტამდე სახელფასო დავალიანების ანაზრაურებას დაპირდნენ. თუმცა, აქციის მონაწილეების თქმით, პრობლემა ამ დრომდე მოუგვარებელია.