პარტია ქართული ოცნების წევრი ვატო შაქარაშვილი აცხადებს, რომ მმართველი გუნდის დატოვებას გეგმას. ამის შესახებ განცხადება თბილისის საკრებულოს დეპუტატმა ტოკ-შოუ რეაქციაში გააკეთა.

მან გააკრიტიკა ქართული ოცნების მიერ მოსამართლეთა არჩევის კრიტერიუმების შესახებ შემუშავებული კანონპროექტი. მისი თქმით, ის მოსამართლე, რომელმაც პოლიტიკური დაკვეთა შეასრულა და ციხეში ჩასვა გრიგოლ მიქაუტაძე იყო.

"ჩვენ უნდა გავაცნობიეროთ რა დაუკვეთა საზოგადოებამ 2012 წელს და რა მივიღეთ დღეს. მე ჩემს მეგობრებთან და თანამოაზრეებთან ერთად „ქართული ოცნების“ გამარჯვებას ციხეში შევხვდი. იცით რატომ? მოსამართლემ ძალიან მარტივად ცივსისხლიანად შეასრულა პოლიტიკური დაკვეთა. იცით ვინ იყო ეს მოსამართლე? მოსამართლე, რომელზეც გვთავაზობენ უპერსპექტივო თეზისს ცუდების გაკარგებასთან დაკავშირებით. ეს იყო გიორგი მიქაუტაძე", — განაცხადა მან.

მისი თქმით, მთავარ ღირებულებებზე ვერ თანხმდებიან, რადგან არ ესმით მოსამართლის აზრი. ის აცხადებს, რომ "მოსამართლე ყველაზე ნაკლებად უნდა იყოს დამოკიდებული სისტემაზე და ყველაზე მეტად ინდივიდუალური".

საკრებულოს წევრი არ აკონკრეტებს, როდის დატოვებს მმართველ გუნდს, თუმცა მისი თქმით, ვალდებულია რომ დარჩეს იმ ღირებულებების ერთგული, რომლებმაც „ოცნებაში“ მიიყვანა და რომელსაც ახლა თავად უმრავლესობა განუდგა.

"ქართულ ოცნებაში, პარტიაში, საპარლამენტო თუ საკრებულოს ნაწილში, ძალიან ბევრი ღირსეული ადამიანია, რომელსაც არ მოსწონს შექმნილი ვითარება. რომლებთანაც საერთო მოსაზრებები და პოზიციები მაქვს. ამიტომ არ ვფიქრობ, რომ დღეს არის მთავარი კითხვის ნიშანი იმაზე, როდის და რა ფორმით დავტოვებ ოცნებას", — უპასუხა ინგა გრიგოლიას დასმულ შეკითხვას ვატო შაქარაშვილმა.

მოსამართლეების თემის მიზეზით ქართული ოცნება დატოვეს დეპუტატებმა: ეკა ბესელიამ, გედევან ფოფხაძემ და ლევან გოგიჩაიშვილმა. მათთან ერთად მმართველი გუნდიდან წავიდნენ ზვიად კვაჭანტირაძე და ბექა ნაცვლიშვილი.