აშშ-ს სახელმწიფო დეპარტამენტის ადამიანის უფლებათა 2018 წლის ანგარიში ყურადღება ეთმობა ლგბტ ადამიანის უფლებებსა და მდგომარეობას.

სახელმწიფო დეპარტამენტი არასამთავრობო ორგანიზაციებზე დაყრდნობით წერს, რომ ლგბტ პირები ჯერ კიდევ განიცდიან ძალადობას, უხეში მოპყრობას, შეუწყანერბლობასა და დისკრიმინაციას. ანგარიშში სახალხო დამცველის ინფორმაციასზე დაყრდნობით აღნიშნულია, რომ ოჯახსა და საზოგადოებრივ ადგილებში ლგბტ პირების მიმართ ძალადობა ჯერ კიდევ რჩება სერიოზულ პრობლემად და სახელმწიფომ ამ გამოწვევას სათანადოდ ვერ უპასუხა:

"არასამთავრობო ორგანიზაციები და სახალხო დამცველი ამბობენ, რომ არაეფექტურმა ანტიდისკრიმინაციულმა პოლიტიკამ სახელმწიფო ინსტიტუტების მიმართ ლგბტ თემის ნდობა შეამცირა. მათ, ასევე, მიუთითეს პოლიტიკოსებისა და სახელმწიფო მოხელეების ჰომოფობიური განცხადებებზე, როგორც სიძულვილისა და შეუწყნარებლობის წყაროზე".

ანგარიში განხილულია ორგანიზაცია თანასწორობის მოძრაობის თანამშრომლებზე თავდასხმა. როგორც ორგანიზაციაში აცხადებდნენ, მათ თავს მეზობლები დაესხნენ. მომეტებული საფრთხის გამო თანასწორობის მოძრაობამ ოფისი შეიცვალა.

გარდა ამისა, ანგარიშში საუბარია 17 მაისის აქციაზე და აღნიშნულია, რომ ლგბტ თემის წევრებმა უსაფრთხოების პრობლემების გამო სანქცირებული აქციის მოწყობა ვერ შეძლეს. დოკუმენტში ვკითხულობთ, რომ უსაფრთხოების პრობლემები ულტრა-მემარჯვენე ჯგუფების მსხვილი აქციების გამო გაჩნდა, რომლებიც ლგბტ თემსა და მათ მხარდამჭერებს ძალადობით ემუქრებოდა.

ამავე თემაზე: