საქართველოს ექს-პრეზიდენტი და ოდესის ყოფილი გუბერნატორი აპირებს, რომ უკრაინის საპრეზიდენტო არჩევნების პირველი ტურის მეორე დღეს, პირველ აპრილს კიევში დაბრუნდეს. მისივე თქმით, ბილეთი უკვე ნაყიდი აქვს.

არჩევნები უკრაინაში 31 მარტს ჩატარდება. როგორც სააკაშვილმა გადაცემა გორდონში ინტერვიუს დროს განაცხადა, მოქმედი პრეზიდენტი, პეტრო პოროშენკო არჩევნების მეორე ტურში ვერ გადავა.

"ვაპირებ,ჩავფრინდე ბორისპოლში [კიევის აეროპორტში]. ეს ბილეთი ავიღე, რადგან დარწმუნებული ვარ, რომ პოროშენკო მეორე ტურში ვერ გადავა. როგორც კი ის მეორე ტურში ვერ გადავა, დარწმუნებული ვარ, რომ არც ერთ მესაზღვრეს არ მოუნდება შეასრულოს მისი ბრძანება ქვეყანაში ჩემს არშეშვებასთან დაკავშირებით", — განაცხადა სააკაშვილმა.

2017 წელს პრეზიდენტმა პეტრო პოროშენკომ მიხეილ სააკაშვილს უკრაინის მოქალაქეობა ჩამოართვა. სააკაშვილმა არაერთხელ ლტოლვილის სტატუსი მინიჭება არაერთხელ ითხოვა და სასამართლოშიც იჩივლა, თუმცა უშედეგოდ.

2018 წლის 12 თებერვალს სამართალდამცავებმა ოდესის ყოფილი გუბერნატორი კიევის რესტორანში დააკავეს და პოლონეთში დააბრუნეს. უკრაინის საზღვრის სამსახურმა გაავრცელა ინფორმაცია იმის შესახებ, რომ მას რეადმისიის პრინციპით დააბრუნებდნენ პოლონეთში, იმ ქვეყანაში, რომლიდანაც შევიდა უკრაინაში. უკრაინაში შესვლა სააკაშვილს 2021 წლის 13 თებერვლამდე აქვს აკრძალული.