ეროვნული ბანკი მამუხა ხაზარაძის განცხადებას პასუხებს და განმარტავს, რომ არასწორია "შანტაჟად" შეფასდეს ის, რაც მარეგულირებელი ორგანოს უფლებამოსილებაა.

"კომერციულ ბანკში გამოვლენილი დარღვევის ადეკვატური სანქციის გამოყენება საქართველოს ეროვნული ბანკის, როგორც საბანკო სექტორის ზედამხედველის, პირდაპირი ვალდებულება და პასუხისმგებლობაა. ეროვნული ბანკის უფლებამოსილებით განსაზღვრული სანქციები დაკონკრეტებულია შესაბამის კანონმდებლობაში. მარეგულირებლის უფლებამოსილებაა, საჭიროების შემთხვევაში მოითხოვოს ბანკის ადმინისტრატორების ხელმოწერის შეჩერება და/ან თანამდებობიდან გათავისუფლება, რაც საქართველოს ეროვნულ ბანკს წარსულშიც გამოუყენებია".

თიბისის დამფუძნებელმა მამუკა ხაზარაძემ დღეს პარლამენტის ტრიბუნასთან თქვა, რომ ეროვნული ბანკის პრეზიდენტი და მისი მოადგილე მას და ბადრი ჯაფარიძეს აშანტაჟებდნენ.

მისი თქმით, ამის შემდგომ ეროვნულმა ბანკმა თიბისის დირექტორებს მიწერა წერილი, რომელშიც ურჩევდა განეხილათ ჯაფარიძე-ხაზარაძის ბანკში დარჩენის მიზანშეწონილობა. მისივე თქმით, წერილში ეწერა, რომ წინააღმდეგ შემთხვევაში გამოსცემდნენ ბრაძანებას მათი გადაყენების შესახებ ან მოითხოვნდნენ ბუფერული კაპიტალის გაზრდას.

ხაზარაძე ამბობს, რომ ეროვნული ბანკის პრეზიდენტს შეხვდა და გამოხატა მზაობა მას და ბადრი ჯაფარიძეს თავმჯდომარისა და მოადგილის თანამდებობა დაეტოვებინათ. თუმცა მისივე თქმით, ეროვნული ბანკის პრეზიდენტი ამ პირობას არ დათანხმდა და მათ სამეთვალყურეო საბჭოს დატოვება მოსთხოვა, რაც მისთვის მიუღებელი იყო.