იტალიაში, ქალაქ რომში მიხეილ სააკაშვილის მხარდამჭერი ემიგრანტები იკრიბებიან. მათი განცხადებით, ექსპრეზიდენტ მიხეილ სააკშვილთან შეხვედრაზე საქართველოს ეკონომიკური განვითარების გეგმა უნდა განიხილონ.

ამჯერად შეკრებას არა "თანამემამულეთა მსოფლიო კრება", არამედ "საქართველოს მომავლის ფორუმი" ქვია. შეხვედრა თბილისის დროით ოთხ საათზე დაიწყება.

მოძრაობა ერთად სახლშის დამფუძნებელი გიორგი სიგუა აცხადებს, რომ დასწრებას მხოლოდ წინასწარ დარეგისტრირებული პირები შეძლებენ. მისი თქმით, ლიეჯში განვითარებული მოვლენების თავიდან ასაცილებლად რომში უსაფრთხოების ზომები გამკაცრებულია.

ფოტო: კადრი ვიდეოდან რუსთავი 2

"თანამემამულეთა მსოფლიო კრება" და დაპირისპირება ლიეჟში

10 თებერვალს ბელგიის ქალაქ ლიეჟში კონგრესის სასახლესთან "თანამემამულეთა მსოფლიო კრების" პარალელურად ექსპრეზიდენტის საწინააღმდეგო აქციაც გაიმართა. შეკრებილებმა განაცხადეს, რომ ისინიც ემიგრანტები არიან და სააკაშვილს მათი სახელით საუბრის უფლება არ აქვს.

კონგრესის სასახლესთან ფიზიკური დაპირისპირებაც მოხდა, როცა სააკაშვილის მოწინააღმდეგეთა ნაწილმა შენობაში შესვლა სცადა, თუმცა ორგანიზატორებმა მათ პროვოკატორები უწოდეს და შესვლის უფლება არ მისცეს. დაპირისპირებისას გამოიყენეს, სავარაუდოდ, წიწაკის სპრეი. შეხვედრის დაწყებამდე ორგანიზატორი გიორგი სიგუა აცხადებდა, რომ აქვთ ინფორმაცია მოსალოდნელი პროვოკაციების შესახებ.

აქციის მონაწილეების თქმით, მათ სურდათ კითხვები დაესვათ სააკაშვილისთვის, თუმცა ეს "სექტის შეკრებაა" და განსხვავებული აზრის მოსმენა არ სურთ. ამიტომ მათ ბანერები გაშალეს და შენობის გარეთ აქცია გამართეს.

აქციის მონაწილეებს აქვთ მოძრაობა არა ნაციზმის საპროტესტო ბანერები. ეს მოძრაობა საქართველოში წინასაარჩევნო პეროდში ჩამოყალიბდა.