ლიეჟში, კონგრესის სასახლესთან სადაც მიხეილ სააკაშვილის ორგანიზებული "თანამემამულეთა მსოფლიო კრება" უნდა გაიმართოს ექსპრეზიდენტის საწინააღმდეგო აქცია იმართება. შეკრებილები აცხადებენ, რომ ისინიც ემიგრანტები არიან და სააკაშვილს მათი სახელით საუბრის უფლება არ აქვს.

აქციის მონაწილეების თქმით, მათ სურდათ კითხვები დაესვათ სააკაშვილისთვის, თუმცა შენობაში არ შეუშვეს, რადგან ეს "სექტის შეკრებაა" და განსხვავებული აზრის მოსმენა არ სურთ. ამიტომ მათ ბანერები გაშალეს და შენობის გარეთ აქცია გამართეს.

აქციის მონაწილეებს აქვთ მოძრაობა არა ნაციზმის საპროტესტო ბანერები. ეს მოძრაობა საქართველოში წინასაარჩევნო პეროდში ჩამოყალიბდა.

ფოტო: კადრი ვიდეოდან / პირველი არხი

რამედნიმე წუთის წინ კონგრესის სასახლესთან ფიზიკური დაპირისპირებაც მოხდა, როცა სააკაშვილის მოწინააღმდეგეთა ნაწილმა შენობაში შესვლა სცადა, თუმცა ორგანიზატორებმა მათ პროვოკატორები უწოდეს და შესვლის უფლება არ მისცეს. შეხვედრის დაწყებამდე ორგანიზატორი გიორგი სიგუა აცხადებდა, რომ აქვთ ინფორმაცია მოსალოდნელი პროვოკაციების შესახებ.

ლიეჟში "თანამემამულეთა მსოფლიო კრება" დაიწყო. კრების იდეა ექსპრეზიდენტ მიხეილ საააკშვილს ეკუთვნის, რომელმაც მოძრაობა "ერთად სახლში" ჩამოაყალიბა. მოძრაობის მიზანი ემიგრანტებთან ერთად საქართველოში დაბრუნებაა და ემიგრანტების შემოწირულობით ფუნქციონირებს.

ფოტო: კადრი ვიდეოდან / Prime Time

თანამემამულეთა მსოფლიო კრებაზე 5 პუნქტიან გეგმას განიხილავენ, რომლის მიხედვითაც საქართველოს ეკონომიკა უნდა გაძლიერდეს და ემიგრანტები ქვეყანაში დაბრუნდნენ.