ზუგდიდის მუნიციპალიტეტში, სოფელ ზედა ეწერასთან ჯიპი და სატვირთო ერთმანეთს შეეჯახნენ. შემთხვევის შედეგად ორი ადამიანი გარდაიცვალა, ხოლო ორი დაშავდა.

როგორც შინაგან საქმეთა სამინისტროში On.ge-ს უთხრეს, გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიკვდილი გამოიწვია. აღნიშნული მუხლი ითვალისწინებს, თავისუფლების აღკვეთას ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევას ვადით სამ წლამდე.