8 მარტს, 15:00 საათზე ქუთაისში, აკაკი წერეთლის სახელობის ქუთაისის სახელმწიფო უნივერსიტეტიდან ქალაქის მერიამდე აქცია/მსვლელობა გაიმართება. მსვლელობას ფემინისტური ჯგუფი აწყობს.

"ვინაიდან რეგიონებში თითქმის არ არსებობს კოლექტიური ფემინისტური პროტესტის გამოცდილება, აქციის მიზანია ქალების გააქტიურება საჯარო სივრცეში და ფემინისტური დღის წესრიგის შექმნა "ქვემოდან" ანუ ინტერესთა ჯგუფის მიერ განსაზღვრული პრიორიტეტებით", — აღნიშნავენ ორგანიზატორები.

აქციის ორგანიზატორების თქმით, მსვლელობის მიზანია სწორედ 8 მარტი იქცეს თანამშრომლობაზე, ურთიერთზრუნვასა და სოლიდარობაზე დაფუძნებული ფემინისტური მოძრაობის ჩამოყალიბების სიმბოლურ საწყისად რეგიონში და საფუძველი ჩაუყაროს ქალების პოლიტიკურ მობილიზაციას სოციალური და ეკონომიკური საკითხების ირგვლივ.