თბილისის საქალაქო სასამართლომ არასრულწლოვანი შვილის მიმართ ჩადენილი სისტემატური ძალადობისთვის ბრალდებულ დედას 4 წლით თავისუფლების აღკვეთა მიუსაჯა. პროკურატურის ინფორმაციით, ალკოჰოლის ზემოქმედების ქვეშ მყოფი დედა არასრულწლოვან შვილს სისტემატურად აყენებდა სიტყვიერ შეურაცხყოფას და სცემდა მას.

სამართალდამცველებმა ქალი 2018 წლის 10 მაისს, ქ.თბილისში დააკავეს. მას ბრალდება საქართველოს სისხლის სამართლის კოდექსის 111-126-ე მუხლის მე-2 ნაწილის "დ" ქვეპუნქტით (ოჯახის წევრის მიმართ სისტემატური ძალადობა, რამაც დაზარალებულის ფიზიკური ტანჯვა გამოიწვია, ჩადენილი დამნაშავისათვის წინასწარი შეცნობით არასრულწლოვნის მიმართ) და 1261 მუხლის მე-2 ნაწილის "ა" ქვეპუნქტით (ოჯახის ერთი წევრის მიერ ოჯახის სხვა წევრის მიმართ სისტემატური შეურაცხყოფა, რამაც გამოიწვია ტანჯვა ჩადენილი წინასწარი შეცნობით არასრულწლოვნის მიმართ) წარედგინა და აღკვეთის ღონისძიების სახით პატიმრობა შეეფარდა.