აჭარის ავტონომიური რესპუბლიკის თავმჯდომარემ, თორნიკე რიჟვაძემ ძეგლების დამცველების კრიტიკის პასუხად განაცხადა, რომ ბათუმში კანონსაწინააღმდეგოდ არცერთი ძეგლი არ დაუნგრევიათ. მისი თქმით, გადაწყვეტილებებს ქალაქის ინტერესებიდან გამომდინარე იღებს და არ აპირებს პროტესტის გამო შეცვალოს.

"ჩვენ ვმოქმედებთ ძალიან მარტივი პრინციპით – ძაღლი ყეფს, ქარავანი მიდის და არ ვაპირებთ, რომ ამ ტიპის შემოტევების შედეგად ჩვენი გადაწყვეტილებები შევცვალოთ", — განაცხადა თორნიკე რიჟვაძემ.

რიჟვაძე მოუწოდებს პროტესტის მონაწილეებს კონკრეტული ფაქტებით დაასაბუთონ სად იგეგმება კორპუსების ჩადგმა და როდის მიიღებს უკანონო გადაწყვეტილებები. მისი თქმით, ზონალური საბჭო, რომელიც აქტივისტების პროტესტის ობიექტია, თავისი კომპეტენციის ფარგლებში მოქმედებს, ისევე როგორც სხვა უწყებები.

დღეს, 21 თებერვალს საინიციატივო ჯგუფ "დაიცავი ძველი ბათუმის" აქტივისტებმა ქალაქის მერს, ლაშა კომახიძეს ღია წერილით მიმართეს. აქტივისტები აცხადებდნენ, რომ მთავრობის თავმჯდომარესთან არსებული ე.წ. ზონალური საბჭო არა მხოლოდ დაუსაბუთებელ, არამედ ქალაქისთვის საზიანო გადაწყვეტილებებს იღებს. მათი მოსთხოვეს მერს საბჭოს გადაწყვეტილებები მიიჩნიოს მხოლოდ რეკომენდაციად და არ გაითვალისწინოს უპირობოდ.

აქტივისტების ღია წერილი ბათუმელებმა გაავრცელა.