რამდენიმე წუთის წინ ცნობილი გახდა, რომ სამი ოსკარის მფლობელი, ლეგენდარული მსახიობი მერილ სტრიპი ჯეი-ჯეი აბრამსის ახალ სერიალში მიიღებს მონაწილეობას.

სერიალი სახელწოდებით The Nix ნათან ჰილის ამავე სახელწოდების რომანის ეკრანიზაცია იქნება.

The Nix არის ისტორია ჰიპების თაობის ქალზე სახელად ფეი, რომელიც საინფორმაციო გამოშვებაში მუშაობს და ყოველდღიურად აკრიტიკებს კონსერვატორ მმართველს. მისი შვილი, სემუელი რომელსაც წლებია დედასთან კონტაქტი გაწყვეტილი აქვს პროფესორი და დამწყები მწერალია.

სამუელი ეცდება დედისა და ქალაქის კონსერვატორი მმართველის დაპირისპირება თავის სასიკეთოდ გამოიყენოს და დაწეროს წიგნი, რომლის მთავარი მიზანიც დედისთვის სამაგიეროს გადახდაა. თუმცა ყოველ ჯერზე, როდესაც ის ფეის რეპუტაციის შელახვას ცდილობს, უფრო მეტს იგებს დედის წარსულზე და ხვდება, რომ სინამდვილეში არაფერი იცის მის წარსულზე.

ჯერ-ჯერობით უცნობია როდის იხილავს დღის სინათლეს სერიალი, სადაც მერილ სტრიპი პირველად შეასრულებს მთავარ როლს სატელევიზიო შოუში.