პუბლიცისტმა თაკო ჩარკვიანმა თანამოაზრეებთან ერთად პოლიტიკურ პარტია "კანონი და სამართალი" დააფუძნა. ჩარკვიანის თქმით სახელწოდება იმიტომ შეირჩა, რომ ქვეყანაში ორი მთავარი პრობლემაა "კანონი არ დგას თავის სიმაღლეზე და არ არის სამართალი". ამის შესახებ მან იმედის ეთერში ისაუბრა.

ჩარკვიანის თქმით, პარტიის შექმნის ინიციატივა არა მათ, არამედ ამომრჩეველს ეკუთვნის. პუბლიცისტი ამბობს, რომ საარჩევნო პერიოდში მათ უკავშირდებოდნენ და ოფისში მიდიოდნენ მხარდამჭერები, რომელიც თხოვდნენ ცალკე პარტიის შექმნას. მისივე თქმით, პარტიის წევრების უმეტესობა ახალგაზრდაა.

ჩარკვიანი ამბობს, რომ ის ითანამშრომლებს გაერთიანებულ ოპოზიციასთან და ყველა პარტიასთან, რომელსაც "რუსული ვექტორი აქვს". პრორუსულობაზე საუბრისას კი მას ქვეყნის მთავრობა და პრეზიდენტი მოჰყავს მაგალითად.

"ჩვენ დავსხდებით სალაპარაკოდ ფინალში კოალიციური მთავრობის დროს, სადაც ერთად ისხდება ყველა ის ერთეული, რომელიც გაერთიანდა გაერთიანებულ ოპოზიციასთან. რა დროს დაყოფაა და რა დროს რაღაც მაიმუნობააა", — განაცხადა ჩარკვიანმა.

თაკო ჩარკვიანი 2018 წლის საპრეზიდენტო არჩევნებში გაერთიანებულ ოპოზიციას შეუერთდა. ის აქტიურად იყო ჩართული მათი კანდიდატის, გრიგოლ ვაშაძის საარჩევნო კამპანიაში. 2012 წელს საპარლამენტო არჩევნების დროს კი ის ქართული ოცნების მხარდამჭეტი იყო.