აბიგეილ არიასი 6 წლის ტეხასელი გოგოა, რომელიც ოცნებობდა, რომ დიდობაში პოლიციელი გამხდარიყო.

ამ მიზანდასახულ ბავშვს, ექიმებმა თირკმელების კიბოს დიაგნოზი დაუსვეს. თუმცა, ამან საერთოდ ვერ შეუშალა ხელი, რომ საკუთარი ოცნება ნაწილობრივ პატარაობაშივე აესრულებინა.

დიახ, ქალაქის პოლიციის განყოფილებაში მან არც მეტი, არც ნაკლები პოლიციელის ფიცი დადო.

სოციალურ მედიაში უკვე გავრცელდა ფიცის დადების ძალიან ემოციური ვიდეოც:

"მკურნალობამ ჯერჯერობით შედეგი ვერ გამოიღო. აბიგეილის ოჯახს დღეს მხოლოდ ღმერთის იმედი აქვს. მშობლებს სჯერათ, რომ გოგო საბოლოოდ აუცილებლად გამოჯანმრთელდება", — ამბობს პოლიციის ოფიცერი.

მიუხედავად დიდი სირთულეებისა, აბიგაელის დედა დანებებას არ აპირებს და ფიქრობს, რომ პატარა გოგომ ცხოვრებით ტკბობა უნდა გააგრძელოს.

ოცნების ასრულების ყველაზე რეალური შანსი კი აბიგაელს მაშინ მიეცა, როდესაც პოლიციის დეპარტამენტში ერთ-ერთ ღონისძიებას დაესწრო და სამომავლო მიზნების შესახებ პოლიციის ოფიცრებს უამბო.

საბედნიეროდ, აბიგაელის ოცნება ასრულდა. ჩვენ კი ისღა დაგვრჩენია, რომ მას გამოჯანმრთელება, წარმატებული კარიერა და დიდხანს, ბედნიერად ცხოვრება ვუსურვოთ.