აი, ეს დღეც დადგა და უკვე შეგვიძლია ვთქვათ, რომ Hulu-ს ყველაზე წარმატებული და პოპულარული სერიალი მხევლის წიგნი მესამე სეზონით სწორედ წელს ბრუნდება.

ახლახანს არხმა შოუს ახალი სეზონის პირველი ოფიციალური ტრეილერი გაავრცელა და საბოლოოდ ვიგებთ, რა ბედი ელის გილიედში დაბრუნებულ ჯუნს.

ტრეილერი 1984 წელს გამოსული რონალდ რეიგანის საარჩევნო კლიპის ერთგვარი ასლია და ანალოგიური მუსიკის გარდა, მაყურებელს მსგავსი შინაარსის ტექსტიც ესმის.

View this post on Instagram

We were asleep before. Now we’re awake.

A post shared by The Handmaid's Tale (@handmaidsonhulu) on

"ამერიკაში ისევ დილაა", - გვესმის მთხრობელის ხმა. "დღეს, ჩვენი ქვეყნის ისტორიაში იმაზე მეტ ქალს შეუძლია სამსახურში წასვლა, ვიდრე აქამდე. ბევრი ბავშვი იბადება ბედნიერ და ჯანმრთელ ოჯახში", - აგრძელებს მთხრობელი და ფონად გილიედის კადრებს ვხედავთ (პირველი და მეორე სეზონიდან).

მშვიდი ხმის ტემბრი უეცრად იცვლება და გადავდივართ იქ, სადაც წინა სეზონში შევჩერდით - ცეცხლში გახვეული ქალაქის ფონზე, ივონ სტრაჰოვსკის პერსონაჟი - სერენა ჩანს, რომელიც თავის ოთახში დგას და უყურებს როგორ იწვის მისი და ფრედის საწოლი. კადრში ჩანან შეშინებული მართები და განრისხებული კომანდირი უოთერფორდი.

"გაიღვიძე ამერიკა", - ამ ტექსტით სრულდება მესამე სეზონის პირველი ტრეილერი, ბოლო კადრში კი მხევლების უზარმაზარ ჯგუფს ვხედავთ ვაშინგტონის მონუმენტის წინ, რომელსაც ჯვრის ფორმა აქვს.

რა თქმა უნდა, ეს ყველაფერი შოუს მესამე ნაწილი მიმართ მოლოდინს კიდევ უფრო გვიმძაფრებს. იმედია, არხი მალე გააჟღერებს, თუ როდის გვექნება საშუალება გავიგოთ, რა ხდება გილიედში და როგორ გრძელდებან მხევლების უდიდესი ბრძოლა სასტიკი რეჟიმის წინააღმდეგ.