ახალი დღე და ახალი საიდუმლოება, რომლის ამოხსნასაც ინტერნეტის დეტექტივები მთელი ძალებით ეცადნენ.

კანადაში რამდენიმე დღის წინ თოვლზე დახატული ვეება დათვი გამოჩნდა, თუმცა საიდან გაჩნდა ნახატის შუაგულში ჭიპი, თუ მის გარშემო ნაფეხურები არ ჩანდა? ამ კითხვამ ინტერნეტი მოიცვა.

ყველაფერი CBC-ის ჟურნალისტმა კეიტ მაკკენამ დაიწყო.

"დამეხმარეთ ამ საიდუმლოს გადაჭრაში. როგორ დახატეს ჭიპი?", - დაწერა მან ტვიტერზე. მისი მიხედვით, წერტილი გვერდებიდან 2-2 მეტრით იყო დაშორებული.

ასობით ადამიანი, განსაკუთრებით კი კანადელები, კომენტარებში ჩაერთვნენ და პასუხები არ დაიშურეს. ერთ-ერთი პოპულარული ვერსიის მიხედვით, ნახატის შემქმნელმა უზარმაზარი ნახტომი გააკეთა, თუმცა, ყველა ხვდებოდა, რომ ეს წარმოუდგენელი იყო.

ერთი მომხმარებელი ფიქრობდა, რომ ნახვრეტი დათვის მუცელზე ჩიტის დამსახურება იყო, თუმცა, როგორ აირჩია მან ეს ეს ადგილი ასე ზუსტად, ასევე აუხსნელი რჩებოდა.

ზოგი ფიქრობდა, რომ ეს ჰოკეის მოთამაშეებმა შეძლეს, ზოგი დრონებს მიაწერდა. ჰიპოთეზები უსასრულო იყო. ზოგი ჟურნალისტს მონსტრსაც კი ეძახდა, საფიქრალის გაჩენის გამო.

სამდღიანი ვარაუდების შემდეგ, ჟურნალისტმა გადაცემიდან აუწყა სწორი პასუხი დაინტერესებულთა არმიას. გამარჯვებული პასუხის ავტორი კი ტვიტერზეც გამოავლინა.

როგორც აღმოჩნდა, მარჯვე მკლავის მქონე მხატვარმა 5 თოვლის გუნდა გამოიყენა იმისთვის, რომ დათვის ჭიპი 2-მეტრიანი დაშორებიდან დაეხატა.

შთამბეჭდავია, არა?

ფოტო: Kate McKenna / CBC