თბილისის მერიის ინფორმაციით, სარაჯიშვილის გამზირზე 3 თებერვლიდან 5 თებერვლის ჩათვლით საავტომობილო მოძრაობა შეიზღუდება

მათი ინფორმაციით, შეზღუდვა მდინარე გლდანულაზე არსებული ხიდების რეკონსტრუქციას უკავშირდება. მერიაში განმარტავენ, რომ შეზღუდვა განპირობებულია 18 და 31-მეტრიანი კოჭების მონტაჟით, რომელიც ჯამში 52 ერთეულია.

"სარეკონსტრუქციო სამუშაოების ფარგლებში სრული დემონტაჟი ჩაუტარდება მდინარე გლდანულაზე არსებულ ავარიულ ხიდებს - როგორც მალის ნაშენს, ასევე, ბურჯებს. არსებული კონსტრუქციის ნაცვლად, რომელიც სამ პარალელურ ხიდს წარმოადგენს, მიმდინარეობს ახალი ხიდების მშენებლობა", — განმარტავენ მერიაში.

სარეკონსტრუქციო სამუშაოებს კონსტრაქშენ სერვისი აწარმოებს და ის მიმდინარე წლის გაზაფხულზე დასრულდება. აღნიშნულ პროექტზე დედაქალაქის ბიუჯეტიდან 8 057 871 ლარი დაიხარჯება.

ამავე თემაზე: