თბილისის მერმა, კახა კალაძემ 2019-2020 წლებში დაგეგმილი 23 ინფრასტრუქტურული პროექტი დააანონსა. ამ პროექტებზე თბილისის მერია დაახლოებით 400 მილიონ ლარს დახარჯავს.

დედაქალაქის მერიის ინფორმაციით, 2019-2020 წლებში ჭავჭავაძის გამზირის, კანდელაკის, ვეკუა-ხიზანიშვილისა და ფიროსმანის ქუჩების რეაბილიტაცია მოხდება. ასევე იგეგმება მაჭავარიანის ქუჩისა და მარშალ გელოვანის გამზირის დამაკავშირებელი ახალი გზის მოწყობა, კახეთის გზატკეცილის სრული რეაბილიტაცია, უნივერსიტეტის ქუჩისა და წყნეთის გზატკეცილის (ბაგები) დამაკავშირებელი ხიდის მშენებლობა და გორგასალის სანაპიროს განვითარება.

2019-2020 წლებში დაგეგმილი ინფრასტრუქტურული პროექტები

1. მაჭავარიანის ქუჩისა და მარშალ გელოვანის გამზირის დამაკავშირებელი ახალი გზის მოწყობა — ბიუჯეტი: 18 000 000 ლარი, პერიოდი: 2019 წელი;
2. გმირთა მოედანზე არსებული მიწისქვეშა გზაგამტარის რეაბილიტაცია — ბიუჯეტი: 3 800 000 ლარი, პერიოდი: 2019 წელი;
3. პროექტი "დიღმის ჭალები" — ბიუჯეტი: 11 620 192 ლარი, პერიოდი: 2019 წელი;
4. სოფელი დიღომი, წყალარინების სისტემა (I ეტაპი) — ბიუჯეტი: 3 000 000 ლარი, პერიოდი: 2019 წელი;
5. მუხიანის აგარაკების წყალარინების სისტემის ეტაპობრივი მოწყობა — ბიუჯეტი: 1 900 000 ლარი, პერიოდი: 2018- 2019 წელი;
6. სასტუმრო "რედისონის" მიმდებარედ არსებული გვირაბის რეაბილიტაცია — ბიუჯეტი: 2 000 000 ლარი, პერიოდი: 2019 წელი;
7. რუსთაველის მეტროს მიმდებარედ არსებული მიწისქვეშა ავტოსატრანსპორტო გასასვლელის სარეაბილიტაციო სამუშაოები — ბიუჯეტი: 1 300 000 ლარი, პერიოდი: 2019 წელი;
8. კახეთის გზატკეცილის სრული რეაბილიტაცია — ბიუჯეტი: ინფრასტრუქტურა 45 000 000 ლარი, გარე განათება 7 000 000 ლარი, გამწვანების საპროექტო არეალი 7 085 489 ლარი,
   პერიოდი: 2019 წელი;
9. მონუმენტის "ადამიანი და მზე" რეაბილიტაცია — ბიუჯეტი: 3 553 970 ლარი, პერიოდი: 2019 წელი;
10. კანდელაკის ქუჩის რეაბილიტაცია — ბიუჯეტი: 1 600 000 ლარი, პერიოდი: 2019 წელი;
11. ვეკუა-ხიზანიშვილის ქუჩების რეაბილიტაცია — ბიუჯეტი: 10 000 000 ლარი, პერიოდი: 2019 წელი;
12. ვეტერანთა, დასვენებისა და კულტურის პარკის (კიკვიძე) რეკონსტრუქცია — ბიუჯეტი: 4 900 000 ლარი, პერიოდი: 2019 წელი;
13. მდინარე გლდანულაზე არსებული ხიდების რეკონსტრუქცია — ბიუჯეტი: 4 000 000 ლარი, პერიოდი: 2018- 2019 წელი;
14. უნივერსიტეტის ქუჩისა და წყნეთის გზატკეცილის (ბაგები) დამაკავშირებელი ხიდის მშენებლობა — ბიუჯეტი: 20 – 30 მილიონი ლარი, პერიოდი: 2019-2020 წელი;
15. დიდი დიღმის მულტიფუნქციური საზოგადოებრივი ცენტრის მშენებლობა — ბიუჯეტი: 12 000 000 ლარი, პერიოდი: 2019- 2020 წელი;
16. ვარკეთილის მულტიფუნქციური საზოგადოებრივი ცენტრის მშენებლობა — ბიუჯეტი: 12 000 000 ლარი, პერიოდი: 2019- 2020 წელი;
17. გზაგამყოფი კუნძულები — ბიუჯეტი: 753 773 ლარი, პერიოდი: 2019 წელი;
18. ჭავჭავაძის გამზირის რეაბილიტაცია — ბიუჯეტი: 13 000 000 ლარი, პერიოდი: 2019 წელი;
19. ვაშლიჯვრის ესტაკადა — ბიუჯეტი: 2 700 000 ლარი, პერიოდი: 2019 წელი;
20. მშრალი და ზაარბრიუკენის ხიდების მიმდებარე ტერიტორიის რეაბილიტაცია — ბიუჯეტი: 9 900 000 ლარი, პერიოდი: 2019 წელი;
21. ფიროსმანის ქუჩის რეაბილიტაცია — ბიუჯეტი: 50 000 000 ლარი, პერიოდი: 2019- 2020 წელი;
22. გუდიაშვილი-ფურცელაძის ქუჩების რეაბილიტაცია — ბიუჯეტი: 45 000 000 ლარი, პერიოდი: 2019- 2020 წელი;
23. გორგასალის სანაპიროს განვითარება — ბიუჯეტი: 110 000 000 ლარი, პერიოდი: 2019- 2020 წელი.