2019 წლის 1 თებერვალს, 19:00 საათზე ტექნოპარკში ვითიბი ბანკი ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოსთან თანამშრომლობით კრეათონს "არასაბანკო სერვისების ციფრული პლატფორმა" იწყებს. კრეათონი სამი დღის განმავლობაში გაგრძელდება და 4 თებერვალს მონაწილე გუნდების პრეზენტაციების წარდგენით და გამარჯვებულების გამოვლენითა და დაჯილდოებით დასრულდება.

ვითიბი ბანკი დისტანციური საბანკო მომსახურების არხების ყველაზე ფართო არჩევანით საქართველოში, წლების მანძილზე, პირველი სთავაზობს ინოვაციურ პროდუქტებს და სერვისებს თავის მომხმარებლებს. ბანკს სურს უფრო დაუახლოვდეს მომხმარებლებს და მათი user journey-ს მთლიან პროცესში იყოს მათ გვერდით, როგორც სანდო პარტნიორი და მრჩეველი. გაუმარტივოს მომხმარებელს სასურველ ფინანსურ და არაფინანსურ მომსახურებებზე და პროდუქტებზე წვდომა ელექტრონულ არხებში.

ვითიბის კრეათონის მიზანია შეირჩეს გუნდი, რომელიც ბანკთან გრძელვადიანად ითანამშრომლებს არასაბანკო სერვისების პლატფორმისთვის მობილური აპლიკაციების შექმნის და მათი განვითარების პროცესში. კრეათონის ფარგლებში ვითიბი გეგმავს იპოვოს პარტნიორი, რომელიც თავისი გამოცდილებით, ხედვებით, ბიზნეს და ტექნიკური უნარებით შეძლებს ვითიბის გამოწვევებთან გამკლავებას.

გამარჯვებლი გუნდი დაჯილდოვდება ფულადი პრიზით 3000 ლარის ოდენობით.

რეგისტრაცია შეგიძლიათ შემდეგ ბმულზე.