ბათუმის მერიამ წერეთლის ქუჩიდან გარემოვაჭრეების დახლები აყარა და ხეების დარგვა დაიწყო. როგორც ბათუმის მერიის პრესსამსახურმა, თეკლა ჩიჩუამ On.ge-სთან თქვა, გამწვანების აქცია მანამდეც ჰქონდათ დაწყებული და ამ აქციის ფარგლებში ტერიტორიაზე 100-მდე ხე დაირგვება.

გუშინ, 27 იანვარს, ბათუმის მერიის თანამშრომლებმა წერეთლის ქუჩაზე გარემოვაჭრეების დახლები და ჯიხურები აიღეს, რასაც ხმაური მოჰყვა. გარემოვაჭრეებმა დღეს, 28 იანვარს ბათუმის მერიასთან აქცია გამართეს და წერეთლის ქუჩაზე ორი თვით ვაჭრობის გაგრძელების ნებართვა მოითხოვეს.