თავდაცვის სამინისტრო აცხადებს, რომ დღეს 22 იანვარს ბათუმში სამხედრო ქალაქის ტერიტორიაზე, საგუშაგოზე, ჯარისკაცი დაჭრეს. უწყების მტკიცებით, საბრძოლო მასალების შენახვის ბაზის სავალდებულო სამხედრო მოსამსახურემ, ცეცხლსასროლი იარაღიდან, სავარაუდოდ, "უნებლიეთ გაისროლა" და მეორე ჯარისკაცი მსუბუქად დაჭრა. უწყების ინფორმაციით, მას მსუბუქი ჭრილობა მარჯვენა იდაყვის არეში აქვს მიყენებული.

"მას საჭირო გამოკვლევები და პროცედურები ბათუმში, სამედიცინო დაწესებულებაში უტარდება. მისი ჯანმრთელობის მდგომარეობა დამაკმაყოფილებელია", — ნათქვამია თავდაცვის სამინისტროს განცხადებაში.

მომხდარ ფაქტზე თავდაცის სამინისტროს სამხედრო პოლიციის დეპარტამენტში მიმდინარეობს გამოძიება.