ამერიკის კინოაკადემიამ ოსკარის რიგით 91-ე ცერემონიის ნომინანტები დაასახელა. მათ შორის, საუკეთესო ფილმის ნომინაციაში ოქროს ქანდაკებისთვის იბრძოლებენ Roma და Black Panther.

ორივე ფილმმა ამ ნომინაციით ოსკარის ახალი ისტორია შექმნა. Black Panther გახდა სუპერგმირზე გადაღებული პირველი სურათი, რომელიც საუკეთესო ფილმის ნომინაციაშია, ხოლო Roma ნეტფლიქსის პირველი სურათია, რომელიც ამავე კატეგორიაში წარადგინეს.

საერთო ჯამში ალფონსო კუარონის ფილმმა ცხრა ნომინაცია მიიღო, მათ შორის საუკეთესო რეჟისორის, საუკეთესო უცხოენოვანი ფილმისა და საუკეთესო მსახიობი ქალის ნომინაციაში.

შავი პანტერა კი შვიდ ნომინაციას დასჯერდა.

ოსკარის დაჯილდოების ცერემონია 24 თებერვალს გაიმართება.