საქართველოს მესამე პრეზიდენტმა, მიხეილ სააკაშვილმა თავისი თავის პოზიტიურ კონტექსტში წარმოჩენისას საქართველოს მეოთხე პრეზიდენტი, გიორგი მარგველაშვილი შეურაცხმყოფელი ტერმინოლოგიით მოიხსენია. მანვე უარყოფით კონტექსტში საუბრისას დამაკნინებელ სიტყვებად გამოიყენა "ღიპი" და "ღაბაბი".

"[ჩემზე ამბობენ] ეს მიშა რაღაც უცნაურია, პრეზიდენტები ეგრე არ იქცევიან. რას დარბის, რას ტინგოცობს? პრეზიდენტი უნდა დადიოდეს ნელა, ღიპი უნდა ჰქონდეს, ღაბაბი უნდა ჰქონდეს, ლოყებს უნდა ბერავდეს, მარგველაშვილი უნდა იყოს, რა. იძახიან, კაი ტიპია მარგველა. რითია კარგი, ამიხსენით? წინდებს ქსოვს, კარტოფილი მოყავს, ტივტივებს რაა და რა ტივტივებს, ხომ კარგად იცით? კაცი დადეს რაღაც სივრცეში, სადაც ჰქვია საქართველოს პრეზიდენტი", — თქვა სააკაშვილმა ნიუ იორკში, ქართველ ემიგრანტებთან შეხვედრაზე.