საქართველოს ეკონომიკისა და მდგრადი განვითარების მინისტრმა დიმიტრი ქუმსიშვილმა 2016 წლის ზაფხულის ტურისტულ სეზონის შეაჯამა.

მინისტრის განცხადებით, სტატისტიკის ეროვნული სამსახურის მონაცემების მიხედვით, 2016 წლის პირველი 8 თვის განმავლობაში ტურისტთა რაოდენობა 17,4 პროცენტით, საერთაშორისო მოგზაურთა რაოდენობა კი 8,2 პროცენტით გაიზარდა.

ამავე მონაცემების მიხედვით, ტურიზმმა საქართველოს საგადასახადო ბალანსში $1,9 მილიარდის გენერირება შეძლო, რაც საქართველოს მშპ-ის 6,7 პროცენტს შეადგენს.

მინისტრის განცხადებით, ტურიზმის სფეროში სულ 158 ათასამდე ადამიანია დასაქმებული. მან ვიზიტორთა რაოდენობის მაჩვენებლები წლების მიხედვითაც შეადარა და პროცენტულმა განსხვავებამ 57% აჩვენა:

  • 2010-2012 წლები - 9,2 მილიონი;
  • 2013-2015 წლები - 16,8 მილიონი;

დიმიტრი ქუმსიშვილის თქმით, სხვა ქვეყნებთან ერთად, ევროკავშირის რამდენიმე ქვეყნიდანაც შენარჩუნდა ვიზიტორთა რაოდენობის ზრდა და იანვარ-აგვისტოში მიღებული მაჩვენებელი წინა წლებთან შედარებით ასე გამოიყურება:

  • ირანი +497%;
  • იორდანია +436%;
  • არაბეთი +130%;
  • ისრაელი +59%;
  • ყაზახეთი +34%;
  • ლატვია +27%;
  • უნგრეთი +18,7%;
  • ჩეხეთი +16,3%;

ქუმსიშვილი აცხადებს, რომ 2012 წელთან შედარებით ექსპლუატაციაში შესული სასტუმროების რაოდენობა 58%-ითაა გაზრდილი და ოფიციალური სტატისტიკით, დღეს საქართველოში 1 225 სასტუმრო და 48 457 საწოლი ადგილია:

„პრაქტიკულად, საქართველოში არსებული სასტუმროების ნახევარი სწორედ ჩვენი ხელისუფლების მმართველობის პირობებში შეიქმნა".

2016 წლის პირველი 8 თვის განმავლობაში ტურიზმის ეროვნულმა ადმინისტრაციამ 16 ქვეყანაში გამართა ონლაინ კამპანია, რაც ქუმსიშვილის განცხადებით, საქართველოს განვითარების 4-პუნქტიანი გეგმის ერთ-ერთი ნაწილია.