თუ კალამსა და ფურცელზე ხელი მიგიწვდება, X-ის დაწერა სცადე, შემდეგ კი გვითხარი, თუ როგორ შეასრულე ეს "რთული დავალება.

ვინ იფიქრებდა, რომ X-ის დაწერის არა ერთი, არა ორი, არამედ რვა სხვადასხვა გზა არსებობს.

Twitter-ის ერთ-ერთი მომხმარებლის, @SMASEY-ს კითხვამ ინტერნეტში დიდი აურზაური გამოიწვია.

"რომელი მხრიდან იწყებთ X-ის მოხაზვას?", - ნათქვამია პოსტში, მიბმულ ფოტოში კი X-ის მოხაზვის რვა სხვადასხვა გზაა ნაჩვენები. ფერით აღნიშნულია, თუ რომელი ხაზი ივლება პირველად, ისარი კი ხაზის მიმართულებას უჩვენებს.

პოსტს მრავალფეროვანი გამოხმაურება მოჰყვა, ადამიანების დიდ ნაწილს არც კი ეგონა, რომ X-ის დაწერის სხვადასხვა გზა არსებობდა.

"რა თქმა უნდა, მე-8, ვინც არ მეთანხმებით, ყველანი გიჟები ხართ", - ნათქვამია ერთ-ერთ პოსტში.

პოსტის კომენტარებში რამდენიმე სხვადასხვა თეორიაც ჩამოყალიბდა, ზოგიერთი აცხადებდა, რომ მემარჯვენეები უფრო ხშირად X-ის წერას მარჯვენა ზედა კუთხიდან იწყებდნენ, ცაციები კი პირიქით.

პოსტის ავტორმა განაცხადა, რომ ზოგადი ტრენდის მიხედვით, ამერიკელები X-ს ისე წერენ, როგორც ეს მეშვიდე და მერვე სურათზეა ნაჩვენები, ბრიტანელები კი ისე, როგორც ეს მეხუთე და მეექვსე სურათზე ჩანს.