რობი უილიამსისთვის საკმარისი არ აღმოჩნდა, რომ ლედ ზეპელინის დამაარსებელსა და გიტარისტს ჯიმი პეიჯს სამეზობლოში გაჩაღებული სასამართლო დავა მოუგო და ახლა მას უკვე ხმამაღალი მუსიკით აწუხებს.

როგორც ბიბისი ადგილობრივ წყაროზე დაყრდნობით წერს, უილიამსი რობერტ პლანტის იმიტაციას აკეთებს და ბოლო ხმაზე უსმენს ბრიტანული ბენდის Black Sabbath-ის მუსიკას.

კენსინგტონისა და ჩელსის სამეფო სამმართველოში შესულ წერილში წერია, რომ უილიამსს ხმამაღლა აქვს ჩართული პინკ ფლოიდის, დიფ ფარფლსა და სხვა ჯგუფების მუსიკა, რადგან იცის, რომ ეს 75 წლის პეიჯს გააღიზიანებს. თავად უილიამსის წარმომადგენელი მუსიკოსის წინააღმდეგ არსებულ უკმაყოფილების საგანს უარყოფს.

პეიჯი 46 წელია, რაც ჰოლანდ პარკში ცხოვრობს, უილიამსმა მის გვერდით სახლი 2013 წელს იყიდა და გადაწყვიტა, რომ სახლში ვეება მიწისქვეშა აუზი აეშენებინა.

პეიჯი მიიჩნევს, რომ მშენებლობა მისი სახლისთვის კატასტროფულ შედეგებს გამოიწვევს, თუმცა, სულ ცოტა ხნის წინ დასრულებული 5-წლიანი სასამართლო დავაში მოსამართლემ საფრთხეები უგულებელყო.