შეუდარებელი ქართველი მეცო-სოპრანო, ანიტა რაჭველიშვილი მსოფლიოს გაოცებას აგრძელებს.

მისი თამაშის განსაკუთრებული, საინტერესო და გაბედული სტილი ყოველთვის იწვევს აღფრთოვანებას ნებისმიერი გემოვნების მაყურებელში და ამას ანიტას შესახებ დაწერილი არაერთი სტატიაც მეტყველებს.

ანიტა რაჭველიშვილს დიდი წარმატება მოუტანა ლა სკალას სეზონის გახსნაზე შესრულებულმა მთავარმა როლმა ოპერა კარმენში. ამის შემდეგ რაჭველიშვილმა კარმენის პარტია ისეთ სცენებზე შეასრულა, როგორებიცაა - მეტროპოლიტენის ოპერის თეატრი, ბერლინის Deutsche Opera, ბავარიის სახელმწიფო ოპერა, ბერლინის სახელმწიფო ოპერა, სიეტლის ოპერა, სან-ფრანცისკოს ოპერის თეატრი, ტურინის Teatro Regio, კანადის ოპერის თეატრი, Arena di Verona და სხვა.

2012 წელს კი მომღერალმა პირველად შეასრულა ამნერისის პარტია ჯუზეპე ვერდის ოპერა აიდაში და კიდევ ერთხელ დაუმტკიცა მსოფლიოს, რომ უკონკურენტოა.

ამ საყოველთოდ აღიარებულ ოპერას კი მხოლოდ ერთი დღით - 15 იანვარს, 19:30 საათზე ქართველი მაყურებელი დიდ ეკრანზე, კინოთეატრ ამირანში იხილავს.

ამის დასტურია ისიც, რომ Bachtrack Opera Awards-ზე მან საუკეთესო ქალი მომღერლის ნომინაციაში გაიმარჯვა, ცოტა ხნის წინ კი The New York Times-მა კლასიკური მუსიკის ერთ-ერთ საუკეთესო შემსრულებლად დაასახელა.