შეუდარებელი ჯეინ ფონდა და ლილი ტომლინი 18 იანვრიდან კვლავ მოირგებენ გრეისისა და ფრენკის ამპლუას და ნეტფლიქსის წარმოუდგენლად საინტერესო შოუს მეხუთე სეზონით დაუბრუნდებიან ეკრანს.

Grace and Frankie-ს ახალი ტრეილერიდანვე ჩანს, რომ შოუს ახალი სეზონი კვლავ დაძაბული, სიურპრიზებით სავსე და რაც მთავარია სახალისო იქნება. ამის დასტურია ისიც, რომ მეხუთე სეზონში მოწვეულ მსახიობებად ვიხილავთ დრაგ ქუინ რეპოლსა და სავარაუდოდ სერიალ Friends-ის ვარსკვლავ ლიზა კუდროუს, რომელიც შოუს მეოთხე სეზონშიც მონაწილეობდა და როგორც ამბობენ, დაბრუნების სურვილიც გამოთქვა.

სერიალის მეხუთე სეზონში ძირითადი აქცენტი საკმაოდ დრამატული თემის გარშემო ვითარდება - გრეისი და ფრენკი გაიგებენ, რომ მათი შვილები აპირებენ გაყიდონ ის სანაპირო სახლი, სადაც მათი ურთიერთობა ყველაზე დიდებულ მეგობრობად იქცა. სწორედ ამიტომ, გადაწყვეტენ ყველა ღონე იხმარონ, რომ სახლი და თავიანთი ცხოვრება ასეთი "თავდასხმისგან" გადაარჩინონ.

გარდა ამისა, მთავარი პერსონაჟები საკუთარი ფსიქოლოგიური მდგომარეობის გასაუმჯობესებლად ბუდისტურ საზოგადოებასაც შეუერთდებიან. თუმცა, ეს ყველაფერი არ არის, გრეისი და ფრენკი ხასიათის გასაუმჯობესებლად ძველ ხერხსაც მიმართავენ და მარიხუანას მოწევას დაიწყებენ.

როგორც ხედავთ, წინ Grace and Frankie-ს ძალიან საინტერესო სეზონი გველოდება.