ცოლის მიმართ ჩადენილი ძალადობისა და მუქარისთვის ახალციხის რაიონულმა სასამართლომ 3 წლის პატიმრობა მიუსაჯა.

პროკურატურის განცხადებით, 2018 წლის 17 ივლისს, განზრახი დანაშაულის ჩადენისთვის პირობითი მსჯავრის ქვეშ მყოფმა კაცმა ცოლს სიტყვიერი და ფიზიკური შეურაცხყოფა მიაყენა და დანით სიცოცხლის მოსპობით დაემუქრა.

სამართალდამცველებმა ბრალდებული იმავე დღეს ბორჯომში დააკავეს. მას ბრალდება სისხლის სამართლის კოდექსის 1261-ე მუხლის პირველი ნაწილით (ოჯახის ერთი წევრის მიერ ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია) და 111 151-ე მუხლის პირველი ნაწილით (ოჯახის ერთი წევრის მიერ სხვა წევრის მიმართ სიცოცხლის მოსპობისა მუქარა) წარედგინა. აღკვეთის ღონისძიების სახით პატიმრობა შეეფარდა.