ჯონ სტესელი ამერიკელი ილუზიონისტია, რომელიც საშობაოდ ნიუ-იორკის ერთ-ერთ ცხოველების თავშესაფარს ძალიან სახალისო და რაც მთავარია, კეთილი მიზნებით ესტუმრა.

პროფესიონალმა ჯადოქარმა მიუსაფარ ძაღლებს ჯადოსნური ხრიკები უჩვენა და მათი სასაცილო რეაქციები ვიდეოზეც აღბეჭდა.

ვიდეოს გადაღების მთავარი მიზანი კი ამ ძაღლების უსაყვარლესი ხასიათის წარმოჩენა და მათთვის მზრუნველი პატრონების მოძებნა იყო.

"ძალიან რთულია, რომ ამ სახალისო ვიდეოდან საუკეთესო მომენტი გამოჰყო. თუმცა, როდესაც ლუნა ქუდზე მექაჩება, ან როდესაც მე და ტერაგონი ერთად ვცეკვავთ - ჩემი ფავორიტი მომენტებია", - ამბობს ჯონი.

ილუზიონისტმა ძაღლებს ნივთების გაქრობის ნომერიც უჩვენა, რაზეც ძაღლებს ძალიან სასაცილო რეაქციები ჰქონდათ.

ჩვენ კი ისღა დაგვრჩენია, რომ მომავალი წლიდან რუკუს, ლუნას, ქალის და მსოფლიოს ყველა სხვა მიუსაფარ ძაღლს, თბილ და მოსიყვარულე ოჯახში ცხოვრება ვუსურვოთ.