ბუტა რობაქიძის საქმეზე განაჩენის გამოცხადებას სასამართლოს სხდომაზე დაპირისპირება მოჰყვა. როგორც On.ge-ს ჟურნალისტი ადგილიდან იტყობინება მხარეებმა ერთმანეთს ბოთლები დაუშინეს და რამდენიე პირმა კი მოსამართლეს სიტყვიერი შეურაცხყოფა მიაყენა.

დაპირისპირებაა სასამართლოს შენობის გარეთაც. სადაც მანდატურის სამსახურისა და პოლიციის თანამშრომლები იმყოფებიან.

განაჩენის გამოცხადების შემდეგ ბრალდებულის ახლობლები პირველ კომენტარს აკეთებენ:

5-წლიანი სასამართლო განხილვების შემდეგ, ბუტა რობაქიძის მკვლელობასთან დაკავშირებით, შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების ბოროტად გამოყენების საქმეზე თბილისის საქალაქო სასამართლოს განაჩენი გამოაცხადა. ხუთივე ბრალდებული მაღალჩინოსანი დამნაშავედ სცნეს.

  • გურამ დონაძეს სასჯელის სახით 5 წლით და 3 თვით ვადით პატიმრობა მიესაჯა და აეკრძალა თანამდებობის დაკავება 2 წლით და 3 თვის ვადით;
  • იაშვილს სასჯელის სახით განესაზღვრა 5 წლით 3 თვის ვადით პატიმრობა და თანამდებობის დაკავება 2 წლითა და 3 თვის ვადით;
  • ზურა მიქაძეს სასჯელის სახით 6 წლით და 3 თვის თავისუფლების აღკვეთა განესაზღვრა, თანამდებობის დაკავება კი 2 წლით და 3 თვის ვადით აეკრძალა;
  • ირაკლი ფირცხალავას სასჯელის სახით თავისუფლების აღკვეთა 5 წლით და 3 თვის ვადით. 2 წლით და 3 თვის ვადით სახელმწიფო თანამდებობის დაკავება აეკრძალა.

ამასთან, ზაზა ბაქრაძეს საპროცესო შეთანხმება გაუფორმდა და მას სასჯელის სახით განესაზღვრა პირობითი მსჯავრი 4 წლითა და 6 თვის ვადით, ასევე ჯარიმა 5 000 ლარის ოდენობით და 2 წლით ჩამოერთვა თანამდებობის დაკავების უფლება.