ეროვნული ბანკის ინფორმაციით, 2018 წლის ნოემბერში საქართველოში ფულადი გზავნილების მოცულობა 2017 წელთან შედარებით 9 პროცენტით (11 მლნ აშშ დოლარით) გაიზარდა.

სტატისტიკის მიხედვით, ჯამში, შემოსული ფულადი გზავნილების ნაკადების მოცულობამ 133,1 მლნ აშშ დოლარი (358,9 მლნ ლარი) შეადგინა.

ეროვნული ბანკის ცნობით, უცხოეთიდან საქართველოში ფულადი გზავნილების 93,6 პროცენტი იმ 17 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ ნოემბერში 1 მლნ აშშ დოლარს გადააჭარბა. იმავე 17 ქვეყანაზე გასული წლის ნოემბერში მთელი ფულადი გზავნილების 93,3 პროცენტი მოდიოდა.

2018 წლის ნოემბერში ევროკავშირის ქვეყნებიდან ჯამში 47,79 მლნ აშშ დოლარი შემოვიდა. ფულადი გზავნილების მოცულობით პირველ ხუთეულშია:

  • იტალია — 16.49 მლნ აშშ დოლარი;
  • საბერძნეთი — 14.62 მლნ აშშ დოლარი;
  • გერმანია — 3,58 მლნ აშშ დოლარი;
  • ესპანეთი — 3,2 მლნ აშშ დოლარი;
  • პოლონეთი — 2,22 მლნ აშშ დოლარი.

საერთო ჯამში, ფულადი გზავნილების მოცულობით პირველ ადგილზეა რუსეთი (37,79 მლნ აშშ დოლარი).

ფოტო: ეროვნული ბანკი

2018 წლის ნოემბერში საქართველოდან საზღვარგარეთ 19,7 მლნ აშშ დოლარი (53.10 მლნ ლარი) გადაიგზავნა, ნაცვლად 19.9 მლნ აშშ დოლარისა (53.08 მლნ ლარისა) გასული წლის ნოემბერში.