ახალგაზრდა იურისტთა ასოციაციის ინფორმაციით, ზუგდიდის #21-ე საარჩევნო უბნის გარეთ, ეზოში ორი ნასვამი პირი ამავე უბნის წევრს ნაციონალური მოძრაობიდან დაჭრით ემუქრებოდა.

გარდა მუქარისა, საიას ინფორმაციით, დარღვევები დაფიქსირდა მარნეულის 49-ე და ხობის #15-ე უბანზე. ორგანიზაციის ცნობით, მარნეულში მათ დამკვირვებელს კომისიის წევრმა ქართული ოცნებიდან, ელდარ გაჯიევმა, ფიზიკური შეურაცხყოფა მიაყენა.

საიაში ამბობენ, რომ ხობში, სავარაუდოდ, ამომრჩევლის მოსყიდვის ორი ფაქტი დაფიქსირდა.

"საიას დამკვირვებლის ინფორმაციით, ორივე შემთხვევაში თანხის გაცემა განახორციელა ერთმა და იმავე პირმა. პირველ შემთხვევაში - 20 ლარიანი კუპიურა, ხოლო მეორე შემთხვევაში - გადაცემული თანხის ოდენობა ჩვენთვის უცნობია", — ნათქვამია საიას განცხადებაში.