გაერთიანებული ოპოზიციის საპრეზიდენტო კანდიდატმა, გრიგოლ ვაშაძემ საკუთარი არჩევანი 22-ე უბანზე, ქუთაისში დააფიქსირა. ხმის მიცემის შემდეგ მან ჟურნალისტებთან საუბრისას იმედი გამოთქვა, რომ მოქალაქეები "სწორ არჩევანს" გააკეთებენ:

"იმედია, ჩვენი მოქალაქეები, ვინც 1990 წლიდან კბილებით ინარჩუნებენ დემორკატიას, ადამიანები, ვინც ყველაფერს აკეთებენ, რომ შეინარჩუნონ სახელმწიფოებრიობა, ადამიანები, ვინც ყველაფერს აკეთებენ, რომ სამ სვეტზე იყოს დაფუძნებული სახელმწიფო: თანასწორობა, სამართლიანობა, განვითარება — ეს ადამიანები ყველა მოვლენ საარჩევნო უბანზე და გააკეთებენ სწორ არჩევანს".

დღეს, 28 ნოემბერს საპრეზიდენტო არჩევნების შედეგებით გადაწყდება ვინ გახდება პრეზიდენტი ხელისუფლების მხარდაჭერილი კანდიდატი სალომე ზურაბიშვილი, თუ გრიგოლ ვაშაძე, რომელიც ნაციონალური მოძრაობის სახელით იყრის კენჭს.