BBC-ის ინფორმაციით, იტალიის ცენტრალურ ნაწილში 6,2 მაგნიტუდის სიმძლავრის მიწისძვრის შედეგად გარდაცვლილთა რიცხვი 37-მდე გაიზარდა. ამ ეტაპზე დაკარგულად ითვლება 150 ადამიანი. მიმდინარეობს სამძებრო და სამაშველო ღონისძიებები.

მიწისძვრის ეპიცენტრი რომიდან 100 კილომეტრის დაშორებით დაფიქსირდა. ყველაზე მეტი გარდაცვლილი სოფელ პესკარა დელ ტრონტოშია. მათ შორის არიან ბავშვებიც.

დედაქალაქში რყევა 20 წამის განმავლობაში გრძელდებოდა. დანგრეულია ქალაქი ამატრიჩე, რომლის მერმაც განაცხადა, რომ ნანგრევების ქვეშ ადამიანები არიან მოყოლილები. მათ მეძებარი ძაღლების საშუალებით ეძებენ.

სეისმოლოგების განცხადებით არაა გამორიცხული მიწისძვრა კიდევ განმეორდეს, რადგან ის საკმაოდ ძლიერი იყო და შესაძლოა ბიძგები გამოიწვიოს.